Vergilər Nazirliyi vəziyyətdən sui-istifadə edərək vergilərdən yayınanlara xəbərdarlıq edib

birbank biznes

Vergilər Nazirliyi xəbərdarlıq edib


vahid bəyannamə, Vergi orqanlarına işə qəbul, Vergi orqanlarında könüllü fəaliyyət, işə qəbul, Vergilər Nazirliyi, vergilər, məsuliyyət, vergi işçiləri, vergi bəyannamələri, E-qaimə, vergi,Hörmətli, vergi ödəyicisi!
Koronavirus (COVID-19) infeksiyasının Azərbaycan Respublikasının ərazisində geniş yayılmasının qarşısının alınması üzrə dövlət tərəfindən bir sıra preventiv və təxirəsalınmaz tədbirlər həyata keçirilir.
Azərbaycan Respublikası Nazirlər Kabineti yanında Operativ Qərargahın  “Koronavirus (COVID-19) infeksiyasının Azərbaycan Respublikasının ərazisində geniş yayılmasının qarşısının alınmasına dair əlavə tədbirlər haqqında” 30.03.2020-ci il tarixli məlumatına əsasən insanların həyat və fəaliyyəti üçün zəruri olan iş və xidmət sahələrindən başqa digər istiqamətlər üzrə fəaliyyət  müvəqqəti  dayandırılmış, bəzi fəaliyyət növləri isə qadağan edilmişdir.
Bununla yanaşı, bu müddətdə xüsusi rejim dövrünün tələblərinə əməl olunması şərti ilə, Nazirlər Kabineti tərəfindən siyahısı müəyyənləşdirilən icra hakimiyyəti orqanları və təşkilatlarının, Səhiyyə, sosial, İnfrastruktur, Nəqliyyat, logistika, Əsas istehsalat növləri, Pərakəndə ticarət, topdan satış, Məişət xidmətləri, Kütləvi informasiya vasitələri, Maliyyə və Xüsusi xidmət fəaliyyəti ilə məşğul olan şəxslərin fəaliyyətinin davam etdirilməsinə icazə verilmişdir.
Lakin, aparılan araşdırmalar və müşahidələr zamanı müəyyən edilmişdir ki, (COVID-19) infeksiyasının yaratdığı pandemiyanın dünyanın iqtisadi inkişafına böyük zərbə vurduğu və bu iqtisadi böhranın bizim ölkəmizdən də yan keçmədiyi bir dövrdə, Nazirlər Kabineti yanında Operativ Qərargah tərəfindən fəaliyyətinin davam etdirilməsinə icazə verilmiş bəzi sahibkarlıq subyektləri, qeyd edilən məsələlərə nəinki anlaşma ilə yanaşırlar, əksinə bu vəziyyətdən sui-istifadə edərək, dövriyyələrini və ödəməli olduqları vergiləri tam bəyan etmirlər, vergilərdən və sosilal ödənişlərdən yayınırlar. Qeyd edilən vergidən yayınma hallarına daha çox pərakəndə ticarət obyektlərində (marketlərdə, apteklərdə və s.) və nağd ödənişlərin qəbul edildiyi digər sahələrdə daha çox rast gəlinir. Belə ki, müşahidələr zamanı obyektlərdə nəzarət kassa aparatlarından və POS-terminallardan istifadə edilməməsi,  qiymətlərin süni artırılması, gəlirlərin və vergilərin gizlədilməsi hallarına rast gəlinir.
Məhz bunu nəzərə alaraq, ölkə başcısı hələ də kölgədə fəaliyyət göstərən sahibkarlıq subyektlərinin olduğunu vurğulayaraq, onların bu işlərə son qoymalarını,  qeyri-formal məşğulluğun aradan qaldırılmasını və bütün sahibkarlıq subyektlərinin istisnasız şəkildə kölgə iqtisadiyyatından çıxmalı olduqlarını bir daha qeyd etmiş və hələ də  köhnə qayda ilə işləyən sahibkarların ciddi cəzalandırılacağını bildirmişdir.
Göstərilənlər nəzərə alaraq, əlavə cərimələrə və sanksiyalara məruz qalmamaq üçün, həmrəylik və qarşılıqlı anlaşma nümayiş edirərək, bir daha bütün vergi ödəyicilərini şəffaf fəaliyyət göstərməyə, vergi qanunvericiliyinin tələblərinə ciddi əməl etməyə, büdcəyə çatası vergiləri və sosial ödənişləri tam və vaxtında ödəməyə dəvət edirik.
Ümüdvarıq ki, bütün sahibkarlar, bizim bu cağrışımıza qoşulacaq və biz Koronavirus (COVID-19) pandemiyaysı, iqtisadi fəallığın təmin edilməsi, həm də sosial məsələlərin həlli ilə bağlı problemləri birlikdə aradan qaldıracağıq!

Bax:

Mühasibat, Audit və Kadr Xidmətləri üçün linkə daxil olun.

Leave a Reply

Your email address will not be published. Required fields are marked *