Accounting Az-la mühasibat auditi xidməti
Komandada savadlı mühasibin olmasın hansı menecer istəməz? Mühasibin uçot və audit üzrə şirkət üçün zəruri biliklərə hərtərəfli sahib olması da yaxşıdır. Amma “iş olan yerdə səhv də olar”. Odur ki, bəzən şirkətin peşəkar auditora ehtiyacı olur. Bundan başqa, elə təşkilatlar var ki, mühasibat auditi xidmətindən istifadə onlar üçün məcburidir (maliyyə hesabatlarının etibarlılığını təsdiq edən rəy almaq üçün).
Accounting.Az konsaltinq şirkəti Azərbaycanda audit xidmətlərinin geniş spektrini təklif edir. Müştərilərimiz arasında respublikamızda iqtisadiyyatın müxtəlif sahələrində çalışan müxtəlif qurumlar var.
Maliyyə hesabatlarının məcburi auditi nələri əhatə edir?
- mühasibat qeydlərinin, ilkin uçot sənədlərinin tamlığının, habelə onların rəsmiləşdirilməsi düzgünlüyünün yoxlanılması;
- mühasibat uçotu və maliyyə hesabatlarında səhvlərin, uyğunsuzluqların müəyyən edilməsi, onların aradan qaldırılmasına köməklik göstərilməsi;
- audit zamanı məsləhət dəstəyi (o cümlədən, beynəlxalq uçot standartlarının tətbiqi ilə bağlı);
- hesabatlılığın təkmilləşdirilməsi və bunun audit rəyi ilə dəstəklənməsi.
Auditinin nəticəsi necə rəsmiləşir?
Auditor rəyi ilə – auditi aparanın imzası və möhürü ilə təsdiqlənən bu rəy, dövlət qurumları, məhkəmələr, habelə fiziki və hüquqi şəxslər üçün rəsmi sənəd sayılır və mühasibat auditi xidmətini sifariş edənin:
- maliyyə vəziyyətinə;
- aparılan əməliyyatların qanuniliyinə;
- illik maliyyə hesabatlarının doğruluğuna;
- mühasibat uçotunun ümumi vəziyyətinə verilən qiyməti özündə əks etdirir.
Mühasibat auditinə əlavə kimi nələri tövsiyə edirik?
- vergi uçotu və hesabatlarının auditi;
- cari il üçün uçot siyasətinin auditi və yenilənməsi;
- mühasibat uçotunun beynəlxalq standartlarının tətbiqinə dəstək;
- ilkin sənədlərin düzgünlüyünə və əməliyyatların dəqiq əks olunmasına nəzarət;
- daxili nəzarət sisteminin auditi;
- əməkdaşların dürüstlüyünün və peşəkarlığının yoxlanılması.
Nəyə görə bizi seçirlər?
Çünki:
- xidmətlərimiz keyfiyyətli, qiymətlər əlçatandır;
- yalnız mühasibat auditi xidməti təklif etmirik, həm də vergi riskləri barədə hesabat hazırlayır, sənədləri hüquqi ekspertiza edir, müştərilərə maliyyə hesabatlarının şəffaflığını təmin etməyə kömək edirik;
- kompleks xidmətlər təmin edirik – biz sadəcə audit şirkəti deyilik, həm də vergi, kadr və mühasibat uçotunu, audit və hüquq işlərini bilən peşəkarlardan ibarət komandayıq.
|
“Accounting.Az” konsaltinq şirkəti dünya reytinq cədvəlində ilk 3-lükdə olan beynəlxalq “PrimeGlobal” Məsləhətçi və Mühasibat Firmaları Assosiasiyasına üzv olan ilk və yeganə Azərbaycan şirkətidir. |
Qanunvericilik tələb etmirsə, mühasibat auditi lazımdırmı?
Mühasibat auditinin qanunla müəyyən edilmiş meyarlara görə məcburi olmadığı şirkətlər sual verə bilər ki, məcburi deyilsə, auditdən imtina məntiqli deyilmi?
Uzaqgörən sahibkar üçün mühasibat auditi xidmətinin sifarişi xərc deyil, investisiyadır. Audit sizi əmin edir ki:
- mühasibat uçotunda əhəmiyyətli səhvlər yoxdur;
- normativ hüquqi aktlarda olan dəyişikliklər nəzərə alınıb, vacib sənəd və aktivlər mövcuddur, inventarlaşma ilə bağlı suallar yoxdur;
- qəbul edilən qərarlar şirkətə və təsisçilərə faydalıdır, auditorlar, mühasiblər, vergi mütəxəssisləri ilə sizin operativ məsləhətləşmə imkanı var.
Bundan başqa, audit rəyi əlavə rəqabət və investisiya üstünlükləri təmin edir:
- belə rəyə malik hesabat informasiyanın kənar istifadəçiləri üçün tamamilə fərqli bir statusa malikdir – bu, hesabatın maddələrinə, bütövlükdə şirkətin fəaliyyətinə daha çox güvən yaradır.
- maliyyə çətinliyi yarandıqda şirkətlər kredit təşkilatlarına müraciət edir, audit rəyli maliyyə hesabatları bu zaman əlavə üstünlükdür;
- tenderdə iştirak zamanı audit rəyi tələb oluna bilər.
Beləliklə, şirkətin audit yoxlaması məcburi olmasa belə, şirkət menecerlərinin hazırladığı fərdi tapşırıq əsasında mühasibat auditi xidmətindən istifadə məntiqlidir.
Qiymət haqqında operativ məlumat alın
Audit xidmətlərinin qiyməti:
- aktivlərin və dövriyyənin həcmindən;
- təşkilata xas olan risklərin səviyyəsindən;
- sənəd axınından;
- fəaliyyət istiqamətindən;
- filial, törəmə və əlaqəli şirkətlərin sayından;
- məkan və məsafədən;
- xüsusi əməliyyatların (xarici iqtisadi fəaliyyət, qiymətli kağızlar bazarında fəaliyyət və s.) mövcudluğundan.
Sizə daha rahat Əlaqə vasitəsini seçin, müraciət edin. Biz qiymət diapazonunu sizə təqdim edərik.
Fərdi audit təklifinizin dəyərləndirilməsi üçün mütəxəssisimiz sizinlə telefon və ya WhatsApp vasitəsilə əlaqə saxlayacaq.
Accounting.Az audit xidmətləri göstərilməsi ilə yanaşı, yoxlamanın keçirilib-keçirilməməsindın asılı olmayaraq sizə mühasibat uçotu üzrə məsləhətlər verə bilər. Bizim Azərbaycanın istənilə regionunda fəaliyyət göstərmək imkanımız var, amma audit xidmətini Bakıda yaxud paytaxta yaxın ərazilərdə göstərmək bizim üçün daha cəlbedicidir.
Mühasibat auditi xidmətinin qiymətini dəqiqləşdirmək üçün +99412 310 09 29, +99412 598 37 98 telefon nömrələrinə zəng edin, yaxud WhatsApp-a (+99450 225 82 05) yazın, istəklərinizi birgə müzakirə edək.
Audit necə aparılır?
- Biz qarşı tərəfin istəklərini və auditin məqsədlərini aydınlaşdırır, təklifimizi hazırlamaq üçün lazımi məlumatları toplayırıq;
- Toplanmış məlumatlar əsasında təklifi tərtib edir, audit tapşırığının şərtlərini, fəaliyyət strategiyasını, iş vaxtını razılaşdırır və müqavilə bağlayırıq.
- Razılaşdırılmış müddətdə audit keçirir, audit zamanı aşkar edilmiş pozuntular haqqında hesabat verir, bu səhvlərin nəticəyə təsir göstərməməsi üçün düzəlişləri təklif edirik.
- Müəyyən edilmiş səhvləri düzəltmək üçün köməyə ehtiyac varsa, mütəxəssislərimizin köməyini təklif edə bilərik. Pozuntuların aradan qaldırılması üçün tapşırığı ayrıca müzakirə edib razılaşdıracağıq.
- Biz yekun sənədləri – audit rəyi, hesabatlar hazırlayır və sizə təqdim edirik, sonra isə suallarınıza cavab veririk.
