Bu gün “Öz biznesinə başla” adlı onlayn seminar keçiriləcək
Hörmətli Sahibkar!
Sizi, Azərbaycan Sahibkarlar Konfederasiyasının təşkil etdiyi növbəti onlayn seminar-da iştirak etməyə dəvət edirik.
Belə ki, 07 may 2020-ci il tarixində saat 16:00-da geniş təcrübəyə malik Beynəlxalq Əmək Təşkilatının master təlimçisi Azad Rəhimov və ASK-nın Baş katib əvəzi Kristina Məmmədovanın moderatorluğu ilə “Öz Biznesinə Başla” mövzusunda canlı yayım təşkil olunacaq.
Canlı yayımda aşağıdakı məsələlərə toxunulacaq:
– Öz biznesinə kimlər başlaya bilər?
– Sahibkar olmaq üçün haradan başlamaq olar?
– ÖBBT proqramı nədir? Onun üstünlükləri nədir?
– Biznes planın əhəmiyyəti nədədir?
– Yaxşı biznes plan nədən ibarət olmalıdır?
Canlı yayımda iştirak etmək üçün Azərbaycan Sahibkarlar Konfederasiyasının facebook səhifəsini izləməyinizi xahiş edirik: facebook.com/sahibkarlar
Mənbə: ask.org.az
