Sual: Azərbayncan rezidenti hüquqi şəxsə qeyri-rezident təşkilata Azərbaycan bazarı haqqında marketinq araşdırması edir, (təhlükəsizlik sistemlərinin marketinq tədqiqatı, Məlumatların emalı və təhlili, təhlükəsizlik sistemləri üzrə analitik hesabatın hazırlanması) elektron və ya kagız daşıyıcısı formasında təqdim edir və bununla bağlı qarşı tərəfdən gəlir əldə edir.
Sual olunur ki, təqdim edilən xidmətlər ƏDV-yə cəlb edilirmi və bu xidmətlər üçün rezident təşkilat ƏDV qeydiyyatına durmalıdırmı? (Əgər xidmətlərin dəyəri illik 200 min manatı aşırsa).
Cavab: Bildiririk ki, Vergi Məcəlləsinin 165.1.3-cü maddəsinə əsasən malların və bu Məcəllənin 168.1.5-ci maddəsində göstərilmiş xidmətlərin ixracına görə ƏDV sıfır (0) dərəcə ilə tutulur.
Vergi Məcəlləsinin 168.1.5-ci maddəsinə əsasən məsləhət, hüquq, mühasibat, mühəndis və ya reklam xidmətlərinin, həmçinin məlumatların işlənilməsi üzrə xidmətlərin və digər analoji xidmətlərin göstərilməsi bilavasitə bu xidmətlərin alıcısının olduğu yerdə ƏDV-yə cəlb edilir.
Onu da qeyd edək ki, bu fəaliyyəti həyata keçirən şəxslərin ardıcıl 12 aylıq dövrün istənilən ayında (aylarında) vergi tutulan əməliyyatlarının həcmi 200.000 manatdan artıq olduğu halda, onlar ƏDV-nin məqsədləri üçün qeydiyyata alınır və əməliyyatları ƏDV-yə sıfır (0) dərəcə ilə cəlb olunur.
Eyni xidmətlər rezidentə göstərildiyi zaman, xidmətlərin göstərildiyi yer Azərbaycan Respublikası hesab olunur və xidmətlərə görə edilən ödənişlərdən 18 faiz dərəcə ilə ümumi qaydada ƏDV-yə cəlb olunur.
Əsas: Vergi Məcəlləsinin 155.1-ci, 159-cu, 165-ci və 168-ci maddələri.
Mənbə: taxes.gov.az
Bax:
Hansı halda işçinin gəlirindən işsizlik sığortası tutulmur?
Hədiyyə bağışlanan şəxsin hansı vergi öhdəlikləri olur?
Auditor rəyi malların mədaxilini təsdiq edən sənəd hesab olunurmu?
Cari vergi ödəmələri
Əmək müqaviləsinin ləğv edilməsi
Ödəmə mənbəyində verginin tutulması
İcarə müqaviləsi notarial qaydada təsdiqlənməsə obyekt kodu almaq mümkündür?
