Azərbaycan Respublikasının Nazirlər Kabinetinin qərarına əsasən, 2024-cü il 30 dekabr və 2025-ci il 3 yanvar iş günləri, müvafiq olaraq, 2024-cü il 28 və 29 dekabr istirahət günləri ilə əvəz olunub. Bu dəyişiklik iş və istirahət günlərinin ardıcıllığını təmin etmək məqsədi daşıyır.
Qərara əsasən yeni ildə ardıcıl 7 gün iş olmayacaq. Belə ki, 30-31 dekabr, 1-5 yanvar tarixləri qeyri-iş günü olacaq.
Yeni ilin ilk iş günü yanvarın 6-sı olacaq.
İş və istirahət günlərinin yerlərinin dəyişdirilməsi haqqında
“Azərbaycan Respublikasının Əmək Məcəlləsinə dəyişiklik edilməsi barədə” Azərbaycan Respublikasının 2006-cı il 8 dekabr tarixli 194-IIIQD nömrəli Qanununun tətbiq edilməsi haqqında” Azərbaycan Respublikası Prezidentinin 2006-cı il 18 dekabr tarixli 489 nömrəli Fərmanının 2-ci hissəsinə əsasən Azərbaycan Respublikasının Nazirlər Kabineti qərara alır:
İş və istirahət günlərinin ardıcıllığını təmin etmək məqsədilə 2024-cü il 30 dekabr və 2025-ci il 3 yanvar iş günləri ilə müvafiq olaraq 2024-cü il 28 və 29 dekabr istirahət günlərinin yerləri dəyişdirilsin.
Əli Əsədov
Azərbaycan Respublikasının Baş naziri
Mənbə: nk.gov.az
