2022-ci il üçün əməkhaqqı cədvəli

Post Views: 29,363

2022-ci il üçün əməkhaqqı cədvəli

Bildiyimiz kimi, 2022-ci il 1 yanvar tarixindən əməkhaqqı tutulmalarında olacaq dəyişikliklər İcbari Tibbi Sığorta məbləği ilə bağlıdır. İcbari Tibbi Sığorta üzrə hesablamalar aşağıdakı kimi olacaqdır:

neft-qaz sahəsində fəaliyyəti olmayan və qeyri-dövlət sektoruna aid edilən sığortalı tərəfindən – işçinin əməkhaqqısının 8000 manatdan yuxarı olan hissəsinə 0,5 faiz tətbiq edilməklə 2022-ci ildən etibarən hesablanmış əməyin ödənişi fondunun 8000 manatadək (8000 manat da daxil olmaqla) olan hissəsinin 2 faizi (2021-ci ildə bu 1 % idi);
neft-qaz sahəsində fəaliyyəti olmayan və qeyri-dövlət sektoruna aid edilən sığortaolunan tərəfindən – işçinin əməkhaqqısının 8000 manatdan yuxarı olan hissəsinə 0,5 faiz tətbiq edilməklə, 8000 manatadək (8000 manat da daxil olmaqla) olan hissəsinin 2022-ci ildən etibarən 2 faizi (2021-ci ildə 1 faiz idi);
neft-qaz sahəsində fəaliyyəti olan və dövlət sektoruna aid edilən sığortalı tərəfindən – işçinin əməkhaqqısının 8000 manatdan yuxarı olan hissəsinə 0,5 faiz tətbiq edilməklə, hesablanmış əməyin ödənişi fondunun 8000 manatadək olan hissəsinin 2 faizi;
neft-qaz sahəsində fəaliyyəti olan və dövlət sektoruna aid edilən sığortaolunan tərəfindən – işçinin əməkhaqqısının 8000 manatdan yuxarı olan hissəsinə 0,5 faiz tətbiq edilməklə, 8000 manatadək (8000 manat da daxil olmaqla) olan hissəsinin 2 faizi.

2022-ci il üçün əməkhaqqıdan hansı tutulmalar olacaq?

Bütün bunlar özlüyündə əməkhaqqının hesablanmasına öz təsirini göstərir. Məsələn, neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicisinin aylıq 500 manat əməkhaqqısı olan işçisinin 2021 və 2022-ci il üçün əməkhaqqısından tutulmalarının müqayisəli şəkildə hesablanması aşağıdakı kimi olacaqdır:

	2021	2022
*Əməkhaqqı Məbləği*	*500*	*500*
Gəlir vergisi (işçi tərəfindən)	0	0
Pensiya Fondu (işçi tərəfindən)	36	36
Pensiya Fondu (işəgötürən tərəfindən)	89	89
İşsizikdən Sığorta Haqqı (İşçi tərəfindən)	*2,5*	*2,5*
İşsizikdən Sığorta Haqqı (İşəgötürən tərəfindən)	*2,5*	*2,5*
İcbari Tibbi Sığorta Haqqı (İşçi tərəfindən)	5	10
İcbari Tibbi Sığorta Haqqı (İşəgötürən tərəfindən)	5	10
*İşçinin aldığı net əməkhaqqı*	456,5	451,5

2022-ci il üçün neft-qaz sahəsində fəaliyyəti olmayan və qeyri-dövlət sektoruna aid edilən və neft-qaz sahəsində fəaliyyəti olan və dövlət sektoruna aid edilən vergi ödəyiciləri üçün nümunəvi əməkhaqqı cədvəlini aşağıdakı linklərdən yükləyə bilərsiniz.